فیصل آباد، انسداد ڈینگی مہم کے تحت مدرسہ ضیا القرآن کے طالب علموں کو آگاہی لیکچر دیا گیا

منگل 12 اگست 2025 22:40

فیصل آباد (اُردو پوائنٹ اخبارتازہ ترین - اے پی پی۔ 12 اگست2025ء) منیجنگ ڈائریکٹر واسا فیصل آباد سہیل قادر چیمہ کی ہدایت پر سی ایل سی سٹاف نےمدرسہ ضیا القرآن کا دورہ کر کے زیر تعلیم طالب علموں کو ڈینگی مچھروں سے بچاؤ کے حوالے سے آگاہی لیکچر دیا اور پمفلٹس تقسیم کئے۔ اس ضمن میں ایم ڈی واسا نے کہا کہ موسم برسات ڈینگی مچھروں کے افزائش کے لئے نہایت موزوں ہے اس لئے اس موسم میں انسداد ڈینگی سرگرمیوں کو فروغ دینا وقت کا اہم تقاضا ہے۔

(جاری ہے)

ڈینگی مچھر ایک خطرناک اور موذی مرض کا سبب بنتا ہے اور اس سے بچاؤ کے لئے احتیاطی تدابیر اختیار کرنا لازمی ہے۔ انہوں نے مزید کہا کہ واسا فیصل آباد خطرناک بیماری کا سبب بننے والے ڈینگی مچھروں بارے عوامی شعور اجاگر کرنے کیلئے خصوصی اقدامات کررہا ہے اور شعبہ سٹیزن لائزن سیل مدارس، تعلیمی اداروں، کمیونٹیز اور شہریوں سے رابطہ کر کے انہیں ڈینگی سے بچاؤ کے طریقہ کار بارے آگاہی فراہم کرتا ہے جو کہ خوش آئندہ قدم ہے۔ ایم ڈی واسا نے واضح کیا کہ پنجاب حکومت کی جانب سے جاری کردہ انسداد ڈینگی ایس او پیز پر عمل درآمد کرنا ترجیحات میں سرفہرست ہے اور اس بارے کوتاہی ناقابل قبول ہے۔