معرکۂ حق یوم ِآزادی پر بیرون ملک مقیم پاکستانیوں کا وطن عزیز کیلئے تجدیدِ عہد وفا

بدھ 13 اگست 2025 13:49

اسلام آباد (اُردو پوائنٹ اخبارتازہ ترین - اے پی پی۔ 13 اگست2025ء) سمندر پار مقیم پاکستانی برادری نے کہا ہے کہ پاکستان ہماری آن ، ہماری شان اور ہمارا فخر ہے، ہمارے دلوں کی ایک ہی آواز ہے کہ پاکستان ہمیشہ زندہ باد ، معرکۂ حق یوم ِآزادی پر بیرون ملک مقیم پاکستانیوں نے وطن عزیز کیلئے تجدیدِ عہد وفا کا اظہار کیا ہے ، سمندر پار مقیم پاکستانی ملکی ترقی و استحکام میں پیش پیش ہیں، قومی تعمیر میں اوورسیز پاکستانیوں کا کردار قابل ِ فخر ہے جس پر وہ خراج تحسین کے مستحق ہیں۔

معرکۂ حق یوم ِآزادی پر اوورسیز پاکستانیوں نے اپنے پیغام میں کہا ہے کہ پاکستان ہمارا فخر ہے اور ہمارے سینوں میں دھڑکتاہے، یہ سچ ہے کہ ہم دیارِ غیر میں ہیں اور وطن عزیز سے ہزاروں کلو میٹر دور ہیں، مگر ہم جہاں بھی رہیں ہمارے دل میں پاکستان رہتا ہے ۔

(جاری ہے)

انہوں نے کہا کہ پاکستان ہمارے سینوں میں دھڑکتا ہے ۔ اوورسیز پاکستانی برادری نے کہا کہ ہماری سانسوں میں مچلتے جذبے کا نام پاکستان ہے ، جب بھی لوگ ہمارا نام پوچھتے ہیں تو ہم سینہ چوڑا کر کے اپنا نام پاکستان بتاتے ہیں ۔

انہوں نے کہا کہ پاکستان ہماری آن ، ہماری شان اور ہمارا فخر ہے، ہمارے دلوں کی ایک ہی آواز ہے کہ پاکستان ہمیشہ زندہ باد ، بیرونِ ملک مقیم پاکستانی ہر آزمائش میں قوم کے شانہ بشانہ کھڑے رہے ہیں جو قومی خدمت، قربانی اور خلوص کی زندہ مثال ہیں۔