احسن اقبال نے ملکی ترقی کیلئے نوجوانوں سے اپنا کردار ادا کرنے کا حلف لے لیا

بدھ 13 اگست 2025 17:02

اسلام آباد(اُردو پوائنٹ اخبارتازہ ترین - این این آئی۔ 13 اگست2025ء) وفاقی وزیر احسن اقبال نے ملکی ترقی کیلئے نوجوانوں سے اپنا کردار ادا کرنے کا حلف لے لیا۔بدھ کوتقریب سے خطاب کرتے ہوئے انہوں نے کہا کہ 2035ء تک ملک کی معیشت کا حجم ایک ہزار ارب روپے تک لائیں گے، پاکستان کے نوجوانوں کے ذریعے ترقی کا سفر آگے بڑھائیں گے۔

(جاری ہے)

احسن اقبال نے کہاکہ پاکستان کے وجود میں آنے بعد سے بھارت نے پاکستان کیلئے بے شمار مسائل پیدا کیے،لیکن 1947ء سے اب تک پاکستان نے متعدد شعبوں میں بے پناہ ترقی کی۔

وفاقی وزیرنے کہاکہ پاکستان آج دنیا کی ساتویں ایٹمی طاقت ہے، ہم جے ایف تھنڈر جیسے جہاز بناتے ہیں، آج پاکستان میں 250 یونیورسٹیاں ہیں۔انہوںنے کہاکہ ہماری ناکامیوں سے کچھ ملک ہم سے آگے بھی نکلے، ہم جنوب ایشیاء کی بڑی اکانومی رہ چکے ہیں۔