دیر لوئر ،تیمرگرہ میں سڑک کی حالت زار پر احتجاجی مظاہرہ کیا گیا

بدھ 13 اگست 2025 17:03

دیر لوئر (اُردو پوائنٹ اخبارتازہ ترین - اے پی پی۔ 13 اگست2025ء) تیمرگرہ میں سڑک کی حالت زار پر احتجاجی مظاہرہ کیا گیا۔ جیل چوک تیمرگرہ، دیر پائین میں سبزی منڈی تا جیل چوک" روڈ پر بلیک ٹاپنگ نہ ہونے کے خلاف ایک احتجاجی مظاہرہ کیا گیا۔ مظاہرے کا اہتمام انجمن تاجران تیمرگرہ نے کیا تھا اور اس کی قیادت حاجی انوار الدین صدر انجمن تاجران تیمرگرہ نے کی۔

مظاہرے میں سینکڑوں لوگوں نے شرکت کی، جن میں مختلف سیاسی جماعتوں کے رہنما بھی شامل تھے۔ مظاہرین نے پرزور مطالبہ کیا کہ مذکورہ سڑک پر بلیک ٹاپنگ کا کام فوری طور پر شروع کیا جائے۔

(جاری ہے)

ایڈیشنل اسسٹنٹ کمشنر-I تیمرگرہ عبدالعزیز اور ایڈیشنل اسسٹنٹ کمشنر ریونیو تیمرگرہ سردار جانباز احمد نے مداخلت کی اور مظاہرین کو یقین دلایا کہ ان کے مطالبات جلد حل کیے جائیں گے۔

اس مسئلے کو حل کرنے کے لیے 6/7 رکنی کمیٹی بنائی گئی، اور مظاہرین کو یقین دلایا گیا کہ اس معاملے پر ڈپٹی کمشنر آفس میں ایس ڈی او، ایکسن اور منتخب عوامی نمائندوں کی موجودگی میں بات کی جائے گی۔ یقین دہانی پر مظاہرین مطمئن ہوگئے، احتجاج کے بعد سڑک کو ہر قسم کی ٹریفک کے لیے کھول دیا گیا۔ ایڈیشنل اسسٹنٹ کمشنرز نے پولیس اور لیویز اہلکاروں کے ساتھ مل کر ٹریفک کی روانی کو بحال کیا۔\378