وزیراعلی مریم نواز کی عرس داتا گنج بخش اور چہلم امام حسین پرامن وامان یقینی بنانے کی ہدایت

بدھ 13 اگست 2025 22:06

لاہور (اُردو پوائنٹ اخبارتازہ ترین - اے پی پی۔ 13 اگست2025ء) وزیراعلی پنجاب مریم نواز شریف نے حضرت داتا گنج بخش کے 982ویں عرس پر خراج عقیدت پیش کرتے ہوئے عرس داتاگنج بخش اور چہلم امام حسین پرامن وامان یقینی بنانے کی ہدایت کی ہے۔

(جاری ہے)

وزیراعلی مریم نواز نے عرس داتا گنج بخش پر آنے والے زائرین کی سیکورٹی اور آسانی کیلئے انتظامات میں بہتری لانے کا حکم دیا اور شاندار مہمان نوازی کی روایات جاری رکھنے، لنگر اور سبیل کے انتظامات میں مزید آسانیاں لانے کی بھی ہدایت کی۔

انہوں نے داتا دربار کے اردگرد سیکورٹی اور ٹریفک مینجمنٹ پر خصوصی توجہ دینے کا حکم بھی دیا۔ وزیراعلی مریم نواز شریف نے کہا کہ عرس داتا گنج بخش پر تشریف لانے والے زائرین ہمارے قابل قدر مہمان ہیں، انہیں تکلیف اور پریشانی نہیں ہونی چاہیے، زائرین کا تحفظ ترجیحات میں اولین ہے۔