چہلم پر فول پروف سیکیورٹی کیلئے ملک بھر میں پاک فوج ، سول آرمڈ فورسز تعینات

وفاقی کابینہ کی منظوری کی روشنی میں فوج اور سول آرمڈ فورسز کی تعیناتی کے احکام جاری کیے گئے،ذرائع

بدھ 13 اگست 2025 22:10

اسلام آباد(اُردو پوائنٹ اخبارتازہ ترین - این این آئی۔ 13 اگست2025ء)وفاقی حکومت نے چہلم امام حسین ؓکے موقع پر فول پروف سیکیورٹی انتظامات کرتے ہوئے ملک بھر میں پاک فوج اور سول آرمڈ فورسز کو تعینات کر دیا،چاروں صوبوں، آزاد کشمیر اور گلگت بلتستان کی حکومتوں اور اسلام آباد کی انتظامیہ نے سیکیورٹی کے لیے درخواست دی تھی۔

(جاری ہے)

ذرائع کے مطابق وفاقی کابینہ کی منظوری کی روشنی میں چہلم کے موقع پر سیکیورٹی کے فرائض انجام دینے کیلئے پاک فوج اور سول آرمڈ فورسز کی تعیناتی کے احکام جاری کر دئیے گئے ۔

پاک فوج کی تعیناتی آئین کے آرٹیکل245 اور سول آرمڈ فورسز کی تعیناتی انسداد دہشتگردی ایکٹ 1997 کے تحت کی گئی ہے۔اسلام آباد ضلعی انتظامیہ نے بھی چہلم کی سیکیورٹی کیلئے درخواست کی تھی۔پاک فوج اور سول آرمڈ فورسز کی تعیناتی چہلم میں سیکیورٹی ڈیوٹیز کیلئے ہوگی، فوج اورسول آرمڈ فورسز چہلم کے موقع پر صوبائی حکومتوں اور ضلعی انتظامیہ کیساتھ سیکیورٹی کے فرائض سر انجام دیں گی۔