فلسطینیوں کو ملک سے نکالنے کا معاملہ، اسرائیل کی آبادکاری کے لیے 5 ممالک سے بات چیت

چند ممالک پہلے سے زیادہ غزہ پٹی سے فلسطینیوں کی نقل مکانی کے لیے آمادگی ظاہر کر رہے ہیں، اسرائیلی میڈیا کا دعوی

جمعرات 14 اگست 2025 16:51

تل ابیب (اُردو پوائنٹ اخبارتازہ ترین - این این آئی۔ 14 اگست2025ء)اسرائیل کی جانب سے انڈونیشیا، صومالی لینڈ، یوگنڈا، جنوبی سوڈان اور لیبیا سمیت 5 ممالک سے بات چیت جاری ہے تاکہ غزہ پٹی کے فلسطینیوں کو ملک سے نکالنے کا معاہدہ کیا جا سکے۔ رپورٹ کے مطابق چند ممالک نے پہلے سے زیادہ غزہ پٹی سے فلسطینیوں کی نقل مکانی کے لیے آمادگی ظاہر کی ہے۔ایک سفارتی ذرائع نے اسرائیلی چینل کو بتایا کہ فلسطینیوں کی آبادکاری سے متعلق انڈونیشیا بالخصوص صومالی لینڈ نے کھلے رویے کا مظاہرہ کیا۔

تاہم ابھی تک کوئی حتمی فیصلہ نہیں کیا جا سکا۔رپورٹ کے مطابق صومالی لینڈ جو صومالیہ سے علیحدہ ہونے والا خطہ ہے اس معاہدے کے ذریعے بین الاقوامی سطح پر اپنی شناخت حاصل کرنے کا خواہاں ہے۔

(جاری ہے)

اسرائیل نے جنوبی سوڈان میں غزہ کے باشندوں کی آبادکاری پر بات کی تھی، جس پر سوڈان کی حکومت نے اس دعوے کو بے بنیاد قرار دیتے ہوئے کہا تھا کہ یہ اس کی سرکاری پالیسی کی عکاسی نہیں کرتا۔

فلسطینی ریاست کے تابوت میں آخری کیل: برسوں سے عالمی دبا کے باعث رکا ہوا اسرائیلی منصوبہ شروع کرنے کی منظوری یہ بات چیت اس وسیع تر اسرائیلی منصوبے کا حصہ ہے جس کے تحت حماس کے ساتھ جاری جنگ کے دوران غزہ سے بڑے پیمانے پر نقل مکانی کی حوصلہ افزائی کی جا رہی ہے۔سرائیلی نائب وزیرِ خارجہ شیرن ہاسکل نے سوشل میڈیا پلیٹ فارم ایکس پر کہا کہ وہ اسرائیل کے پہلے سرکاری وفد کے ہمراہ پہنچی جنوبی سوڈان پہنچی ہیں۔

اسرائیلی نائب وزیرِ خارجہ نے لکھا کہ ان کی جنوبی سوڈان کے صدر سلوا کیر میاردِت، وزیرِ خارجہ منڈے سمیایا کومبا اور دیگر حکام سے ملاقات کی، ایک سفارتی یادداشت پر دستخط بھی کیے، اور ایک اسرائیلی ٹراما سینٹر کا دورہ کیا جس کے بارے میں ان کا کہنا تھا کہ اس نے درجنوں بچوں کی جان بچائی ہے۔