سنگاپور فن ٹیک فیسٹیول میں شرکت کے لئے درخواستیں 30ستمبر تک طلب

جمعہ 15 اگست 2025 14:10

اسلام آباد (اُردو پوائنٹ اخبارتازہ ترین - اے پی پی۔ 15 اگست2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ سنگاپور میں 12 نومبر سے ہونے والی بین الاقوامی تجارتی نمائش ’’سنگاپور فن ٹیک فیسٹیول ‘‘ میں شرکت کے لئے درخواستیں 30ستمبرتک جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش سنگاپورمیں 12سے 14 نومبر تک جاری رہے گی جس میں انفارمیشن ٹیکنالوجی سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔