ر*یوم آزادی پر بہترین سکیورٹی، پنجاب پولیس کا کریک ڈاؤن،277 افراد گرفتار

ون ویلنگ اور ہوائی فائرنگ پر سخت کارروائی، 249 مقدمات درج، آئی جی پنجاب نے فورس کو شاباش

جمعہ 15 اگست 2025 20:15

(لاہور(آن لائن) انسپکٹر جنرل پولیس پنجاب ڈاکٹر عثمان انور نے یوم آزادی پر سکیورٹی کے بہترین انتظامات پر فورس کو شاباش دی اور سی سی پی او لاہور، ڈی آئی جی آپریشنز لاہور سمیت تمام آر پی اوز، سی پی اوز اور ڈی پی اوز کی کارکردگی کو سراہا۔ترجمان پنجاب پولیس کے مطابق صوبہ بھر میں جشن آزادی پر ون ویلنگ، ہوائی فائرنگ اور دیگر قانون شکنی کے خلاف سخت کریک ڈاؤن جاری رہا۔

(جاری ہے)

کارروائی کے دوران 277 افراد کو گرفتار کر کے 249 مقدمات درج کیے گئے۔ ون ویلنگ پر 162 گرفتاریاں اور 147 مقدمات، جبکہ ہوائی فائرنگ پر 13 گرفتاریاں اور اتنے ہی مقدمات درج ہوئے۔سائلنسر موڈیفیکیشن اور دیگر خلاف ورزیوں پر 102 افراد گرفتار اور 89 مقدمات درج کیے گئے۔ لاہور میں مختلف خلاف ورزیوں پر 92 افراد گرفتار اور 89 مقدمات درج ہوئے۔ آئی جی پنجاب نے واضح کیا کہ جشن آزادی پر قانون توڑنے والوں کے خلاف بلا امتیاز کارروائی جاری رہے گی۔