خیبرپختونخوا میں قیمتی انسانی جانوں کے ضیاع پرانتہائی افسوس ہے‘ حمزہ شہباز

ہفتہ 16 اگست 2025 20:00

لاہور (اُردو پوائنٹ اخبارتازہ ترین - این این آئی۔ 16 اگست2025ء) پاکستان مسلم لیگ (ن) کے نائب صدر و سابق وزیر اعلیٰ پنجاب حمزہ شہباز شریف نے خیبر پختونخوا میں بارشوں اور لینڈ سلائیڈنگ سے ہونے والی اموات پر افسوس کا اظہار کیا ہے ۔

(جاری ہے)

انہوںنے کہا کہ خیبرپختونخوا میں قیمتی انسانی جانوں کے ضیاع پر انتہائی افسوس ہے، اس آفت اور مشکل وقت میں تمام ہمدردیاں خیبر پختونخوا کے عوام کے ساتھ ہیں،300سے زائد جاں بحق افراد کے لواحقین سے دلی تعزیت کرتے ہیں۔ اللہ تعالی سے دعا ہے کہ اس مشکل وقت میں انہیں صبر جمیل عطا فرمائے۔ حمزہ شہباز نے کہا کہ موسمیاتی تبدیلیوں کے باعث ہونے والے نقصانات کی فہرست میں ہمارا ملک سب سے زیادہ متاثر ممالک میں سمجھا جاتا ہے۔