لاہور، وزیرآباد ،میانوالی کے ضمنی انتخابات میں سکیورٹی کیلئے رینجرز کی خدمات حاصل کرنے کا فیصلہ

الیکشن کمیشن نے 17 سے 19 ستمبر تک پولنگ اسٹیشنز کے باہر رینجرز کی سکیورٹی تعینات کرنے کیلئے محکمہ داخلہ کو خط لکھ دیا

اتوار 17 اگست 2025 17:00

لاہور(اُردو پوائنٹ اخبارتازہ ترین - این این آئی۔ 17 اگست2025ء) الیکشن کمیشن نے پنجاب میں ضمنی انتخابات پر رینجرز تعیناتی کا فیصلہ کرلیا ہے، لاہور، وزیرآباد اور میانوالی کے ضمنی انتخابات میں پولنگ اسٹیشن کے باہر رینجرز کی تعیناتی کے لیے محکمہ دخلہ پنجاب کو خط لکھ دیا۔ذرائع نے بتایا ہے کہ الیکشن کمیشن نے پنجاب میں ضمنی الیکشن رینجرز کی سکیوڑتی میں کرانے کا فیصلہ کیا ہے۔

(جاری ہے)

الیکشن کمیشن نے 17 سے 19 ستمبر تک پولنگ اسٹیشنز کے باہر رینجرز کی سکیورٹی تعینات کرنے کے لیے محکمہ داخلہ کو خط لکھ دیا ہے۔ذرائع کے مطابق رینجرزکی تعیناتی آرٹیکل220کے تحت الیکشن کمیشن کی معاونت کے لیے ہوگی، خط کے مطابق انتخابات کے پرامن انعقاد کے لیے رینجرز کی تعیناتی مانگی کی گئی ہے۔این اے 66 وزیر آباد، این اے 129 لاہور اور پی پی 87 میانوالی میں18ستمبر کو ضمنی انتخابات شیڈول ہے۔پی ٹی آئی رہنمامیاں اظہرکے انتقال کے باعث حلقہ این ای129،این اے 66 کی نشست پی ٹی آئی رہنمامحمد احمداور پی پی 87کی نشست پی ٹی آئی کے رہنما ملک احمد خان بھچر کی نا اہلی کی وجہ سے خالی ہوئی ۔