ایف آئی اے بلوچستان ،شہریوں سے رقم بٹورنے میں ملوث ملزم کورنگے ہاتھوں گرفتار

اتوار 17 اگست 2025 17:35

کوئٹہ(اُردو پوائنٹ اخبارتازہ ترین - این این آئی۔ 17 اگست2025ء)ایف آئی اے بلوچستان نے شہریوں کو فوری پاسپورٹ بنوانے کے نام پر رقم بٹورنے میں ملوث ملزم کورنگے ہاتھوں گرفتارکرلیا۔ ترجمان ایف آئی اے بلوچستان نے بتایا کہ شہریوں کو فوری پاسپورٹ بنوانے کے نام پر رقم بٹورنے میں ملوث ملزم عبدالمالک کو پاسپورٹ آفس چمن کے پاس سے گرفتار کرلیا گیا۔

(جاری ہے)

ترجمان نے بتایا کہ ملزم شہریوں کو جلد پاسپورٹ بنوانے کا جھانسہ دے کر اضافی پیسے بٹور رہا تھاکاروائی میں ملزم سے 13 عدد پاکستانی پاسپورٹس برآمد ہوئے ملزم سے 51 عدد ٹوکن، 48 ڈیٹا فارم ، 9 ویری فیکیشن فارم اور موبائل فون بھی برآمد کر لیا گیا ملزم پاسپورٹس اور مذکورہ دستاویزات کی برآمدگی کے حوالے سے حکام کو تسلی بخش جواب نہ دے سکا ۔ترجمان نے بتایا کہ ملزم کو گرفتار کر کے تفتیش کا آغاز کر دیا گیا ہے ۔