الجزائر میں مسافر بس دریا میں جا گری، 18 افراد ہلاک، متعدد زخمی

پیر 18 اگست 2025 08:40

الجزائر شہر (اُردو پوائنٹ اخبارتازہ ترین - اے پی پی۔ 18 اگست2025ء) الجزائر میں ایک بس پل سے دریا میں جا گری، 18 افراد ہلاک اور 9 زخمی ہوگئے۔اردو نیوز کے مطابق سول پروٹیکشن سروس نے بتایا کہ حادثہ مشرقی الجزائر کے ضلع محمدیہ میں پیش آیا، زخمیوں میں دو کی حالت نازک ہے۔

(جاری ہے)

بیان میں کہا گیا کہ متاثرین کی مدد کےلیے 25 ایمولینسز اور کشتیوں کے علاوہ غوطہ خوروں کی ایک ٹیم بھی روانہ کی گئی۔حادثے کی وجوہ کے بارے میں فوری طور پر کچھ نہیں بتایا گیا۔الجزائر کے صدر عبدالمجید تبون نے ایک روزہ قومی سوگ کا اعلان کیا ہے، قومی پرچم سرنگوں رہے گا۔