سندھ ہائیکورٹ نے پولیس کانسٹیبلز کی بھرتیوں کے تنازع پر فریقین سے 2ستمبرتک تفصیلی جواب طلب کرلیا

پیر 18 اگست 2025 17:10

کراچی(اُردو پوائنٹ اخبارتازہ ترین - این این آئی۔ 18 اگست2025ء)سندھ ہائی کورٹ نے سندھ پولیس میں کانسٹبل کی بھرتیوں سے متعلق انٹرویو میں ناکام قرار دیئے گئے امیدواروں کی درخواست پرفریقین سے 2 ستمبر تک تفصیلی جواب طلب کرلیا، درخواست میں چیف سیکریٹری، آئی جی سندھ و دیگر کو فریق بنایا گیا ہے۔پیرکو سندھ ہائیکورٹ میں سندھ پولیس میں کانسٹبل کی بھرتیوں سے متعلق انٹرویو میں ناکام قرار دیئے گئے امیدواروں کی درخواست کی سماعت ہوئی۔

(جاری ہے)

وکیل نے موقف دیا کہ درخواستگزاروں نے تحریری امتحان میں 83 نمبر تک حاصل کئے۔ اچھے نمبر حاصل کرنے کے باوجود درخواستگزاروں کو انٹرویو میں ناکام قرار دیا گیا ہے۔ سیاسی بنیادوں پرتحریری امتحان میں 44 نمبر حاصل کرنے والوں کو کامیاب قرار دیا گیا ہے۔ عدالت نے فریقین سے بھرتیوں کے تنازع سے متعلق وضاحت طلب کرلی۔ عدالت نے فریقین سے 2 ستمبر تک تفصیلی جواب طلب کرلیا۔ درخواست میں چیف سیکریٹری، آئی جی سندھ و دیگر کو فریق بنایا گیا ہے۔