Live Updates

مری میں شدید بارش ،لینڈ سلائیڈنگ کا خدشہ 2روز کیلئے تعلیمی اداروں میں چھٹی کا اعلان

پیر 18 اگست 2025 17:17

لاہور (اُردو پوائنٹ اخبارتازہ ترین - این این آئی۔ 18 اگست2025ء) پی ڈی ایم اے پنجاب کی ہدایات کے پیشِ نظر مری انتظامیہ نے آئندہ 2روز کے لئے تعلیمی اداروں میں چھٹی کا اعلان کر دیا ۔

(جاری ہے)

ڈی جی پی ڈی ایم اے عرفان علی کاٹھیا نے کہا کہ مری میں شدید بارش اور لینڈ سلائیڈنگ کا خدشہ ہے،وزیر اعلی پنجاب کی ہدایات کے مطابق شہریوں کے تحفظ کیلئے تمام تر اقدامات کیے جا رہے ہیں ۔انہوں نے کہا کہ مری میں صبح سے تقریباً 74ملی میٹر بارش ریکارڈ کی جا چکی ہے،آئندہ 2روز میں راولپنڈی مری جہلم چکوال اور اٹک میں مزید بارشوں کی پیشگوئی ہے ۔ممکنہ طوفانی بارشوں اور کلاڈ برسٹنگ کے خدشے کے پیش نظر شہریوں کے تحفظ کیلئے تمام تر وسائل بروئے کار لائے جا رہے ہیں ۔