محکمہ زکوة و عشر کی طرف سے اربوں روپے کے کا اجراء

یہ رقوم گزارہ الاؤنس (جنرل) و گزارہ الاؤنس(نابینا)کے علاوہ کالجز و یونیورسٹی کے غریب طلباء و طالبات کے وظائف کے طور پر جاری کی گئی ہیں

پیر 18 اگست 2025 21:20

لاہور (اُردو پوائنٹ اخبارتازہ ترین - این این آئی۔ 18 اگست2025ء) محکمہ زکوة و عشر پنجاب کی طرف سے مستحقین زکوة کے لئے اربوں روپے کے زکوة فنڈز کا اجراء کر دیا گیا ہے۔ یہ رقوم گزارہ الاؤنس (جنرل) و گزارہ الاؤنس(نابینا)کے علاوہ کالجز و یونیورسٹی کے غریب طلباء و طالبات کے وظائف کے طور پر جاری کی گئی ہیں۔

(جاری ہے)

مستحقین زکوة کی اکثریت نے اب تک جاز کیش کے ذریعے بائیومیٹرک ویریفکیشن کے بعد اپنی رقوم وصول کر لی ہیں۔

باقی مستحقین رقوم کی وصولی میں کسی قسم کی کٹوتی ، کمی یا عدم ادائیگی کی صورت میں وٹس ایپ نمبر0326-9771000 پر اپنی شکایت بذریعہ وائس نوٹ یا کال درج کروا سکتے ہیں۔ اس کے علاوہ لینڈ لائن نمبر042-99263233 پر بھی رابطہ کر کے اپنی شکایت کا اندراج اور راہنمائی حاصل کر سکتے ہیں۔ شکایت کے ازالے کے لئے مستحقین زکوة اپنے متعلقہ ڈپٹی کمشنرآفس میں بھی رجوع کر سکتے ہیں ۔