چیئرمین پی سی بی کا ہاکی پلیئرز کیلئے 10، 10 لاکھ روپے انعام کا اعلان

پیر 18 اگست 2025 23:18

لاہور (اُردو پوائنٹ اخبارتازہ ترین - این این آئی۔ 18 اگست2025ء)پاکستان کرکٹ بورڈ (پی سی بی) کے چیئرمین محسن نقوی نے قومی ہاکی کھلاڑیوں کے لیے 10، 10 لاکھ روپے انعام کا اعلان کر دیا۔سرکاری ٹی وی پی ٹی وی کے مطابق لاہور میں وفاقی وزیر داخلہ وچیئرمین پی سی بی نے قومی ہاکی ٹیم کے کپتان عماد شکیل کی سے ملاقات کی، جس میں ہاکی کے کھلاڑیوں کی ویلفیئر اور ری ہیب کے مسائل پر تبادلہ خیال کیا گیا۔

(جاری ہے)

اس دوران، محسن نقوی نے پرو ہاکی لیگ میں شرکت کے حوالے سے اپنا کردار ادا کرنے کی یقین دہانی کروائی۔انہوںنے کہاکہ ہاکی کھلاڑیوں کے میڈیکل اور فٹنس کیسز پی سی بی کی پیشہ وارانہ میڈیکل ٹیم ہینڈل کرے گی، جبکہ پی سی بی کی لاجسٹک ٹیم ہاکی پلیئرز کو سہولت دے گی۔بعد ازاں، چیئرمین پی سی بی نے ہاکی پلیئرزکو فی کس 10 لاکھ روپے انعام دینے کا اعلان بھی کیا۔عماد شکیل بٹ نے محسن نقوی کو نشان امتیاز ملنے پر مبارکباد دی۔