پیٹرولیم مصنوعات کی ڈیجیٹل ٹریکنگ کا ترمیمی بل قومی اسمبلی کے بعد سینیٹ سے بھی منظور

بدھ 20 اگست 2025 17:01

اسلام آباد(اُردو پوائنٹ اخبارتازہ ترین - این این آئی۔ 20 اگست2025ء) قومی اسمبلی کے بعد سینیٹ نے بھی پیٹرولیم ایکٹ میں ترمیم کی منظوری دیدی۔بل کے مطابق وفاقی حکومت آئی ٹی اور رئیل ٹائم کے ذریعے پیٹرولیم مصنوعات کی ڈیجیٹل ٹریکنگ کرے گی اور ذخائر کی نگرانی کرے گی۔

(جاری ہے)

بل میں بتایا گیا ہے کہ غیرقانونی طورپرپیٹرول امپورٹ کرنے، ٹرانسپورٹ کرنے، ذخیرہ کرنے، ریفائن کرنے یا بلینڈ کرنے پر 10 لاکھ روپے جرمانہ ہوگا جبکہ جرم دہرانے پر 50 لاکھ روپے جرمانہ عائد ہوگا۔بل کے مطابق اسمگل شدہ پیٹرولیم مصنوعات کو ذخیرہ کرنے یا فروخت کرنے میں ملوث لائسنس یافتہ شخص کی اسٹوریج بندکر دی جائیگی۔مزید برآں غیرقانونی پیٹرول پمپس کیخلاف بھی سخت کارروائی کی جائے گی۔