پنجاب بھر میں عام مارکیٹ میں چینی کی سپلائی دوگنا کردی گئی

عام مارکیٹ کو 60 فیصد اور کمرشل صارفین کو 40 فیصد چینی ملے گی‘ترجمان پرائس کنٹرول

بدھ 20 اگست 2025 17:21

پنجاب بھر میں عام مارکیٹ میں چینی کی سپلائی دوگنا کردی گئی

لاہور(اُردو پوائنٹ اخبارتازہ ترین - این این آئی۔ 20 اگست2025ء)عوام کی سہولت کیلئے عام مارکیٹ میں چینی کی سپلائی دوگنا کردی گئی۔ ترجمان پرائس کنٹرول کے مطابق اب 30 فیصد کے بجائے عام مارکیٹ میں 60 فیصد چینی سپلائی یقینی بنائی جائے گی۔

(جاری ہے)

پنجاب بھر میں چینی کی سپلائی اور نرخوں پر عملدرآمد کے معاملے میں اہم پیشرفت سامنے آئی ہے، ترجمان پرائس کنٹرول کا کہنا ہے کہ شوگر ملز ایسوسی ایشن اور کین کمشنر پنجاب نے عام مارکیٹ میں چینی کی سپلائی دوگنا کر دی، اب 30 فیصد کے بجائے عام مارکیٹ میں 60 فیصد چینی سپلائی یقینی بنائی جائے گی۔

انہوں نے کہا کہ صنعتی صارفین کو 70 کے بجائے 40 فیصد چینی سپلائی کی جائے گی، ڈپٹی کمشنر کے جاری کردہ ہول سیلرز کو 30 فیصد جبکہ شوگر ملز کے نامزد ڈیلرز کو بھی 30 فیصد سپلائی دی جائے گی۔ترجمان کا کہنا ہے کہ ذخیرہ اندوزی سے بچنے کیلئے ڈیلرز کی فہرستوں کا ریکارڈ رکھا جائے گا۔