جیمز ویب ٹیلی اسکوپ نے کائنات کا قدیم ترین بلیک ہول دریافت کرلیا

اس بلیک ہول کی دریافت کے لیے اسپیکٹروسکوپی کا استعمال کیا گیا،غیرملکی میڈیا

بدھ 20 اگست 2025 17:26

جیمز ویب ٹیلی اسکوپ نے کائنات کا قدیم ترین بلیک ہول دریافت کرلیا

نیویارک(اُردو پوائنٹ اخبارتازہ ترین - این این آئی۔ 20 اگست2025ء)حال ہی میں جیمز ویب ٹیلی اسکوپ نے کائنات کا اب تک کا قدیم ترین بلیک ہول دریافت کیا ہے۔ماہرین کے مطابق اس دریافت نے ہمارے کائناتی ارتقا کو سمجھنے میں ایک نیا سنگِ میل قائم کیا ہے۔غیرملکی خبررساں ادارے کے مطابق حالیہ تحقیق میں یہ قدیم اور فعال بلیک ہول دریافت کیا گیا جو بگ بینگ کے بعد صرف تقریبا 500 ملین سال میں وجود میں آیا، یعنی لگ بھگ 13.3 ارب سال پہلے۔

(جاری ہے)

یہ بلیک ہول CAPERS-LRD-z9 نامی کہکشاں کے مرکز میں پایا گیا جو خود بھی Little Red Dot کیٹیگری کا حصہ ہے۔ اس بلیک ہول کا ماس تقریبا 38 ملین شمسی ماسز کے برابر ہے جو ہماری کہکشاں کے مرکزی بلیک ہول سے تقریبا دس گنا زیادہ بھاری ہے۔اس بلیک ہول کی دریافت کے لیے اسپیکٹروسکوپی کا استعمال کیا گیا جہاں ہائیڈروجن کے ارتعاش سے موصول ہونے والی خاص روشنی نے اس بات کا ثبوت دیا کہ گیس تیز رفتار سے گردش کر کے اس کے اندر جا رہی ہے یعنی یہ ایک فعال بلیک ہول ہے۔تصویر میں کہکشاں کی سرخی مائل رنگت کا سبب ممکنہ طور پر بلیک ہول کے گرد گھیرے ہوئے گیس و غبار کی کثافت ہے جو روشنی کو لمبے طول تک red shift کی طرف دھکیل رہی ہے۔

Facebook Twitter Google + Share on Whatsapp

جیمز ویب ٹیلی اسکوپ نے کائنات کا قدیم ترین بلیک ہول دریافت کرلیا

اس بلیک ہول کی دریافت کے لیے اسپیکٹروسکوپی کا استعمال کیا گیا،غیرملکی میڈیا

متعلقہ عنوان :

مزید بین الاقوامی خبریں