چین آئندہ ماہ ہونے والی فوجی پریڈ کے دوران کئی اسٹریٹجک ہتھیار پہلی بار عوامی سطح پر نمائش کیلئے پیش کرے گا

بدھ 20 اگست 2025 17:31

بیجنگ (اُردو پوائنٹ اخبارتازہ ترین - اے پی پی۔ 20 اگست2025ء) چین آئندہ ماہ ہونے والی فوجی پریڈ کے دوران کئی اسٹریٹجک ہتھیار پہلی بار عوامی سطح پر نمائش کیلئے پیش کرے گا۔سی جی ٹی این کی رپورٹ کے مطابق وکٹری پریڈ 3 ستمبر کو بیجنگ میں ہو گی۔چینی ریاستی کونسل کے دفتر اطلاعات کی جانب سے پریڈ کی تیاریوں کے حوالے سے پریس کانفرنس میں بتایا گیا کہ یہ سی پی سی سینٹرل کمیٹی کی مرکزی کمیٹی کے جنرل سیکرٹری شی جن پنگ کی مرکزیت پر مبنی سی پی سی سینٹرل کمیٹی کی قیادت میں چینی طرز کی جدید کاری کو جامع طورپر آگے بڑھانے کے نئے سفر میں کی جانے والی پہلی پریڈ ہوگی،تقریباً 70 منٹ پر مشتمل پریڈ میں دستے شامل ہو ں گے۔

دستوں کے معائنے میں تمام فوجی دستوں کا سی پی سی سینٹرل کمیٹی کے جنرل سیکرٹری، چینی صدر اور مرکزی فوجی کمیشن کے چیئرمین شی جن پنگ معائنہ کریں گے۔

(جاری ہے)

سی پی سی کے پرچم، چین کے قومی پرچم اور چینی افواج کے پرچم کے ہمراہ چینی فوجی طاقت کی نئی ترتیب پریڈ میں پیش کی جائےگی۔ پریڈ میں پرچم کا تحفظ کرنے والے فضائی فارمیشنز، پیادہ فارمیشنز، فوجی پرچم اور فوجی سازو سامان کے فارمیشنز اور فضائی فارمیشنز پریڈ کرتے ہوئےتھیان آن من اسکوائر سے گزریں گے۔

موجودہ پریڈ میں شامل تمام اسلحے چینی افواج کے زیر استعمال چین کے خود ساختہ اسلحوں سے منتخب ہوئے ہیں اور ان میں نئے سازو سامان کا تناسب زیادہ ہے۔ کچھ اسٹریٹجک ہتھیار پہلی بار عوامی سطح پر نمائش کیلئے پیش کیے جائیں گے۔پریس کانفرنس میں بتایا گیا کہ پریڈ کی تمام تر تیاریاں مکمل ہو چکی ہیں۔

Facebook Twitter Google + Share on Whatsapp

چین آئندہ ماہ ہونے والی فوجی پریڈ کے دوران کئی اسٹریٹجک ہتھیار پہلی بار عوامی سطح پر نمائش کیلئے پیش کرے گا

متعلقہ عنوان :

مزید بین الاقوامی خبریں