مکہ مکرمہ،منشیات اسمگلنگ کیجرم میں پاکستانی شہری کو سزائے موت دیدی گئی

جمعرات 9 اکتوبر 2025 21:45

مکہ مکرمہ (اُردو پوائنٹ اخبارتازہ ترین - این این آئی۔ 09 اکتوبر2025ء) مکہ مکرمہ میں منشیات اسمگل کرنیکے جرم میں پاکستانی تارک وطن کو سزائے موت دے دی گئی۔سعودی وزارت داخلہ کے مطابق مکہ مکرمہ ریجن میں عدالتی فیصلہ نافذ کیا گیا۔

(جاری ہے)

وزارت داخلہ کے بیان میں مزید کہا گیا ہیکہ مجرم کو مجاز عدالت نے سزائے موت سنائی تھی اور سپریم کورٹ نے اس سزا کو برقرار رکھا جس کے بعد اس کی سزائے موت کے حکم پر عمل درآمد کردیا گیا۔سعودی وزارت داخلہ کے مطابق دمام میں دہشت گردی میں ملوث ایک سعودی شہری کو بھی سزائے موت دے دی گئی۔سعوی وزارت داخلہ کے مطابق مجرم سکیورٹی اہلکاروں پر حملے، جج کے اغوا اور قتل میں ملوث تھا، مجرم تیل کی پائپ لائنوں کو اڑانے، دھماکا خیز مواد بنانے میں بھی ملوث تھا۔