غزہ کی تعمیر نو میں امریکا اور دیگر ممالک شریک ہوں گے، ٹرمپ

غزہ صورتحال کے حوالے سے امریکا امن کونسل قائم کرنے کا ارادہ رکھتا ہے،انٹرویو

جمعرات 9 اکتوبر 2025 15:08

غزہ کی تعمیر نو میں امریکا اور دیگر ممالک شریک ہوں گے، ٹرمپ

واشنگٹن (اُردو پوائنٹ اخبارتازہ ترین - این این آئی۔ 09 اکتوبر2025ء) امریکی صدر ڈونلڈ ٹرمپ نے اعلان کیا ہے کہ امریکا دیگر ممالک کے ساتھ مل کر غزہ کی پٹی کی تعمیر نو میں بھرپور کردار ادا کرے گا۔ ایک انٹرویو میں امریکی صدر نے کہاکہ میرا خیال ہے کہ آپ دیکھیں گے کہ لوگ ایک دوسرے کے ساتھ تعاون کریں گے، اور غزہ کو دوبارہ تعمیر کیا جائے گا۔

(جاری ہے)

انہوں نے مزید کہا کہ امریکا ایک کونسل آف پیس (امن کونسل)قائم کرنے کا ارادہ رکھتا ہے، جو غزہ کی صورتحال میں اہم کردار ادا کرے گی۔

انہوں نے مشرقِ وسطی کے ممالک کے درمیان ہونے والے تعاون کو حیرت انگیز قرار دیتے ہو ئے کہاکہ کچھ ممالک کے پاس بے پناہ دولت ہے،اور اگر وہ اپنی دولت کا صرف ایک چھوٹا سا حصہ خرچ کریں تو اس پورے علاقے کی تقدیر بدل سکتی ہے۔