وزیر اعلی پنجاب مریم نواز شریف کا سینئر صحافی ابصار عالم کی والدہ کے انتقال پر اظہارتعزیت

بدھ 20 اگست 2025 17:35

لاہور (اُردو پوائنٹ اخبارتازہ ترین - اے پی پی۔ 20 اگست2025ء) وزیر اعلی پنجاب مریم نواز شریف نے سینئر صحافی ابصار عالم کی والدہ کے انتقال پر گہرے دکھ اور افسوس کا اظہار کیا ہے۔

(جاری ہے)

بدھ کو جاری تعزیتی بیان میں انہوں نے سوگوار خاندان کے ساتھ دلی ہمدردی و تعزیت کا اظہار کرتے ہوئے کہا کہ ہم دکھ کی اس گھڑی میں لواحقین کے غم میں برابر کے شریک ہیں،والدین کا کوئی نعم البدل نہیں،دنیا کی ہر چیز مل سکتی ہے لیکن والدین کے دنیا سے چلے جانے کے بعد ان کا کوئی متبادل نہیں ہو سکتا۔وزیر اعلی مریم نواز نے دعا کی کہ اللہ تعالی مرحومہ کو جنت الفردوس میں اعلی مقام عطا فرمائے اور اہل خانہ کو یہ صدمہ حوصلے اور ہمت سے برداشت کرنے کی توفیق دے ،انہوں نے مرحومہ کے بلندی درجات کیلئے دعا بھی کی ۔