ابوبکر محمود میلبرن کپ میں لاہور سلطانز کے کپتان مقرر

آسٹریلیا میں میلبرن کپ 2025ء اکتوبر کے پہلے ہفتے میں کھیلا جائے گا‘پاکستان ہاکی ٹیم کے کھلاڑی ایکشن میں دکھائی دیں گے

جمعرات 21 اگست 2025 13:44

میلبورن(اُردو پوائنٹ اخبارتازہ ترین - این این آئی۔ 21 اگست2025ء)پاکستان کے انٹرنیشنل ہاکی پلیئر ابوبکر محمود میلبرن کپ میں لاہور سلطانز کے کپتان مقرر کیے گئے ہیں۔آسٹریلیا میں میلبرن کپ 2025ء اکتوبر کے پہلے ہفتے میں کھیلا جائے گا۔ایونٹ میں لاہور سلطانز کی جانب سے پاکستان ہاکی ٹیم کے کھلاڑی ایکشن میں دکھائی دیں گے۔

(جاری ہے)

ابوبکر محمود گزشتہ برس ایشین ہاکی چیمپئنز ٹرافی میں گھٹنے کی انجری کا شکار ہوگئے تھے، وہ رواں برس اپریل میں علاج کیلیے میلبرن چلے گئے تھے۔

اس بارے میں ابوبکر محمود کا کہنا تھا کہ میرا ری ہیب جاری ہے، پہلے سے بہت بہتر محسوس کررہا ہوں۔انہوں نے مزید کہا کہ میلبرن کپ میں لاہور سلطانز کی ٹیم پہلی مرتبہ ایکشن میں دکھائی دے گی۔ابوبکر محمود نے یہ بھی کہا کہ لاہور سلطانز میں مزید پاکستانی کھلاڑیوں کے منتظر اور کپتانی کیلئے پُرجوش ہیں۔