عالمی شہرت کے حامل امریکا کے ہر دلعزیز جج انتقال کرگئے

جمعرات 21 اگست 2025 19:48

واشنگٹن (اُردو پوائنٹ اخبارتازہ ترین - آن لائن۔ 21 اگست2025ء)عالمی شہرت کے حامل اور امریکا کے ہر دلعزیز جج فرینک کیپریو انتقال کرگئے۔روڈ آئی لینڈ جج کو کینسر کا عارضہ لاحق تھا، انتقال سے پہلے انہوں نے اسپتال میں بستر مرگ سے اپنے چاہنے والوں سے اپیل کی تھی کہ وہ انکے لیے دعا کریں۔

(جاری ہے)

فرینک کیپریو کے سوشل میڈیا میڈیا اکاؤنٹ سے جاری پیغام میں ان کے انتقال کی خبر دی گئی اور بتایا گیا کہ فرینک کیپریو 88 برس کی عمر میں لبلبے کے کینسر سے ایک طویل جنگ لڑنے کے بعد اس دنیا سے رخصت ہوگئے۔واضح رہے کہ فرینک کیپریو جن مقدمات کی سماعت کرتے تھے وہ سوشل میڈیا پر دکھائی جاتی تھیں اور انکے فیصلوں کا انداز انتہائی متاثر کن ہوتا تھا۔