اسلام آباد ایئرپورٹ پر ایف آئی اے کی بڑی کارروائی، کرپشن ریفرنس میں مطلوب اشتہاری ملزم آصف رضا گرفتار

جمعرات 21 اگست 2025 19:48

اسلام آباد (اُردو پوائنٹ اخبارتازہ ترین - آن لائن۔ 21 اگست2025ء) ایف آئی اے امیگریشن نے اسلام آباد انٹرنیشنل ایئرپورٹ پر بڑی کارروائی کرتے ہوئے نیب کے کرپشن ریفرنس میں مطلوب اشتہاری ملزم آصف رضا کو گرفتار کر لیا۔ذرائع کے مطابق ملزم بدعنوانی اور دھوکہ دہی کے سنگین الزامات میں نیب اسلام آبادکو مطلوب تھا اور اس کا نام اسٹاپ لسٹ میں شامل تھا۔

(جاری ہے)

ملزم آصف رضا جمعرات کے روز متحدہ عرب امارات (یو اے ای) سے اسلام آباد ایئرپورٹ پہنچا، جہاں ایف آئی اے امیگریشن حکام نے فوری طور پر کارروائی کرتے ہوئے اسے حراست میں لے لیا۔ ترجمان ایف آئی اے کے مطابق، تمام قانونی کارروائی مکمل کرنے کے بعد گرفتار ملزم کو نیب حکام کے حوالے کر دیا گیا ہے تاکہ کرپشن ریفرنس میں مزید تفتیش اور قانونی پیش رفت ممکن بنائی جا سکے۔ترجمان کا کہنا تھا کہ ایف آئی اے امیگریشن ملک بھر میں مطلوب افراد کی گرفتاری کے لیے مسلسل سرگرم ہے اور ایسے عناصر کو قانون کے کٹہرے میں لانے کے لیے تمام دستیاب وسائل بروئے کار لائے جا رہے ہیں۔