ہماری ہمدردی مذہب کے تعصب کی بناپر ظلم سہنے والے مظلوموں کے ساتھ ہیں‘مریم نواز شریف

ہمیشہ ہر اس مظلوم کیساتھ کھڑے ہیں جو مذہبی بنیادوں پر ظلم وزیادتی کا شکار ہورہے ہیں، دین اسلام محبت، امن اور رواداری کا درس دیتا ہے ہر سطح پر مذہبی رواداری اور باہمی احترام کافروغ ہمارا عزم ‘عقیدے اور مذہب کی بنیاد پر تشدد اور نفرت کا نشانہ بننے والے افراد کے عالمی دن پر پیغام

جمعہ 22 اگست 2025 18:24

ہماری ہمدردی مذہب کے تعصب کی بناپر ظلم سہنے والے مظلوموں کے ساتھ ہیں‘مریم ..

لاہور (اُردو پوائنٹ اخبارتازہ ترین - این این آئی۔ 22 اگست2025ء) وزیراعلیٰ پنجاب مریم نواز شریف نے کہا ہے کہ ہماری ہمدردی مذہب کے تعصب کی بنا پر ظلم سہنے والے مظلوموں کے ساتھ ہیں۔ اسلاموفوبیا دنیا بھر میں ایک کڑوی اور تلخ حقیقت ہے۔ وزیراعلیٰ مریم نواز شریف نے عقیدے اور مذہب کی بنیاد پر تشدد اور نفرت کا نشانہ بننے والے افراد کے عالمی دن پر اپنے پیغام میں کہا کہ ہمیشہ ہر اس مظلوم کے ساتھ کھڑے ہیں جو مذہبی بنیادوں پر ظلم وزیادتی کا شکار ہورہے ہیں۔

(جاری ہے)

مساجد پر حملے،حجاب پہننے والی خواتین پر پابندیاں اور مسلمانوں کو دہشتگردی سے جوڑنے کی روش انسانیت پر نشان ہے۔وزیراعلیٰ مریم نواز شریف نے کہا کہ فلسطین کی زمین خونِ شہداء سے سرخ ہے،معصوم بچوں کی آہیں گولیوں کی گھن گرج میں دفن ہو رہی ہیں۔کشمیر کی وادیاں آج بھی صدیوں پرانے دکھوں سے لہو لہان ہیں۔کشمیر اور غزہ انسانیت کے ضمیر پر سوال ہیں جن کا جواب عالمی برادری ابھی تک دینے سے قاصر ہے۔ وزیراعلیٰ مریم نواز شریف نے کہا کہ دین اسلام محبت امن اور رواداری کا درس دیتا ہے۔ہر مظلوم کے ساتھ ہیں اور رہیں گے۔ ہر سطح پر مذہبی رواداری اور باہمی احترام کافروغ ہمارا عزم ہے۔