بگ بیش لیگ‘ ایک بارپھر پاکستانی فینز کیلئے سٹینڈ بنانے کا فیصلہ

جمعرات 21 اگست 2025 19:48

میلبرن(اُردو پوائنٹ اخبارتازہ ترین - آن لائن۔ 21 اگست2025ء) بگ بیش لیگ (بی بی ایل) 15 کے دوران ایک بار پھر پاکستانی کرکٹ فینز کے لیے سٹینڈ بنانے کا فیصلہ کر لیا گیا۔ آسٹریلیا کی بگ بیش لیگ کے نئے ایڈیشن میں بھی میلبرن کرکٹ گراونڈ (ایم سی جی) میں پاکستانی کرکٹ فینز کے لیے ایک سٹینڈ مخصوص کیا جائے گا۔ایم سی جی میں اس مخصوص سٹینڈ کو ہاؤس آف رؤف کا نام دیا جائے گا جو فاسٹ باؤلر حارث رؤف کی مناسبت سے رکھا گیا ہے، یہ سٹینڈ میلبرن سٹارز کے ہوم میچز کے دوران پاکستانیوں سمیت ساوتھ ایشین فینز کی دلچسپی کے لیے بنایا جا رہا ہے، گزشتہ سیزن میں میں بھی ایم سی سی جی میں پاکستانی سٹینڈ بنایا گیا تھا۔

میلبرن سٹارز کے جی ایم میکس ایبٹ کا کہنا ہے کہ ہاوس آف رؤف بنانے کا مقصد پاکستانی شائقین کی توجہ حاصل کرنا ہے، ہم چاہتے ہیں کہ پاکستانی فینز آئیں اور ہمارے میچز میں لطف اندوز ہوں اور اپنی ثقافت کو اجاگر کریں۔

(جاری ہے)

انہوں نے کہا کہ حارث رؤف میلبرن سٹارز کے زبردست ایمبیسیڈر ہیں، ہم منتظر ہیں کہ پاکستان کا پرجوش کراو?ڈ آئے اور میلبرن سٹارز کو سپورٹ کرے۔میکس ایبٹ کا ماننا ہے کہ پاکستانی کرکٹرز کے لیے آنے والے پاکستانی فینز کی وجہ سے ایم سی جی میں دلکش ماحول پیدا ہوتا ہے، ساؤتھ ایشین کرکٹرز اور کمیونٹی کے لیے اقدامات کرنا کرکٹ آسٹریلیا کے ملٹی کلچرل ایکشن پلان کا حصہ ہے۔