ایشیاکپ میں بھارت نہیں کھیلتا تو ان کی مرضی، پاکستان کو فرق نہیں پڑتا، وسیم اکرم

جمعرات 21 اگست 2025 21:31

کراچی(اُردو پوائنٹ اخبارتازہ ترین - این این آئی۔ 21 اگست2025ء)قومی ٹیم کے سابق کپتان وسیم اکرم نے کہا ہے کہ ایشیا کپ میں بھارت کھیلتا ہے تو ٹھیک ہے، نہیں کھیلتا تو ان کی مرضی، پاکستان کو فرق نہیں پڑتا۔

(جاری ہے)

وسیم اکرم نے برطانوی چینل کو انٹرویو دیتے ہوئے کہا کہ اگر بھارتی محبت وطن ہیں تو پاکستانی بھی محب وطن ہیں۔انہوںنے کہاکہ سیاست اور کھیل کو الگ الگ رکھنا ضروری ہے، ایشیا کپ میں پاکستان کو بھارت سے کھیلنے پر کوئی مسئلہ نہیں۔سابق کپتان وسیم اکرم نے کہا کہ ایشیا کپ میں بھارت کھیلتا ہے تو ٹھیک ہے، نہیں کھیلتا تو ان کی مرضی، ان کو مسئلہ ہے، وہ کھیلیں یا نہ کھیلیں، پاکستان کو فرق نہیں پڑتا۔