ایف آئی اے کا حوالہ ہنڈی اور کرنسی ایکسچینج میں ملوث ملزم کوئٹہ سے گرفتار

جمعرات 21 اگست 2025 21:01

کوئٹہ (اُردو پوائنٹ اخبارتازہ ترین - آن لائن۔ 21 اگست2025ء) فیڈرل انویسٹی گیشن ایجنسی (ایف آئی اے ) بلوچستان زون کے عملے نے حوالہ ہنڈی اور کرنسی ایکسچینج میں ملوث ملزم کو کوئٹہ سے گرفتار کرکے کروڑوں روپے پاکستانی اور غیر ملکی کرنسی برآمد کرلئے۔

(جاری ہے)

ایف آئی اے ترجمان کے مطابق ڈائریکٹر جنرل ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کیا گیا ایف آئی اے بلوچستان زون کی بڑی کاروائیاں جاری ہے حوالہ ہنڈی اور غیر قانونی کرنسی ایکسچینج میں ملوث ملزم شبیر احمد کو کوئٹہ سے گرفتار کیا گیا ملزم سے 5100 امریکی ڈالر، 20100 افغانی برآمدملزم سے 3 کروڑ 41 لاکھ سے زائد ایرانی ریال اور 15 لاکھ سے زائد پاکستانی روپے بھی برآمد ہوئے ملزم سے غیر قانونی کرنسی ایکسچینج سے متعلق شواہد بھی برآمد کر لیے گئے ملزم برآمد ہونے والی کرنسی کے حوالے سے حکام کو تسلی بخش جواب نہ دے سکاملزم کو گرفتار کر کے تفتیش کا آغاز کر دیا گیا ہے ۔