فیصل آباد، پی ٹی آئی ارکان کی نااہلی سے خالی نشستوں پر ضمنی انتخاب کے شیڈول کا اعلان

الیکشن کمیشن کی جانب سے جاری شیڈول کے مطابق این اے 96، این اے 104 اور پی پی 98 فیصل آباد پر ضمنی انتخاب 5 اکتوبر کو ہو گا

جمعرات 21 اگست 2025 21:04

فیصل آباد (اُردو پوائنٹ اخبارتازہ ترین - این این آئی۔ 21 اگست2025ء)الیکشن کمیشن نے فیصل آباد سے پی ٹی آئی ارکان کی نااہلی کے باعث خالی ہونے والی قومی و صوبائی اسمبلیوں کی نشستوں پر ضمنی انتخاب کے شیڈول کا اعلان کر دیا۔الیکشن کمیشن کی جانب سے جاری شیڈول کے مطابق این اے 96، این اے 104 اور پی پی 98 فیصل آباد پر ضمنی انتخاب 5 اکتوبر کو ہو گا۔

(جاری ہے)

الیکشن شیڈول کے مطابق کاغذات نامزدگی 28 سے 30 اگست تک جمع کرائے جا سکتے ہیں جبکہ کاغذات نامزدگی کی جانچ پڑتال 3 ستمبر تک کی جائے گی۔

شیڈول میں بتایا گیا کہ کاغذات نامزدگی منظور یا مسترد ہونے کے خلاف اپیلیں 12ستمبر تک نمٹائی جائیں گی جبکہ امیدواروں کو انتخابی نشانات 16 ستمبر کو جاری کیے جائیں گے۔یاد رہے کہ انسداد دہشت گردی عدالت نے 9 مئی کے مقدمات میں رائے حیدر علی خان، صاحبزادہ حامد رضا اور جنید افضل ساہی کو سزائیں سنائی تھیں جس کے باعث ان ارکان اسمبلی کی نشستیں خالی ہو گئی تھیں۔