مدثرمسعود چوہدری کو پاکستان انڈسٹریل اینڈ ٹریڈرز ایسوسی ایشن فرنٹ کا قائمقام چیئرمین منتخب ہونے پر بزنس کمیونٹی کی مبارک باد

جمعہ 22 اگست 2025 14:41

اسلام آباد (اُردو پوائنٹ اخبارتازہ ترین - اے پی پی۔ 22 اگست2025ء) مدثر مسعود چوہدری کو پاکستان انڈسٹریل اینڈ ٹریڈرز ایسوسی ایشن فرنٹ (پیاف)قام چیئرمین منتخب ہونے پر بزنس کمیونٹی کی جانب سے مبارکبادوں کا سلسلہ جاری ہے اور کاروباری برادری نے ان کی قیادت پر بھرپور اعتماد کا اظہار کیا ہے۔

(جاری ہے)

جمعہ کو جاری بیان میں پیاف کے پیٹرن انچیف میاں سہیل نثار ، میاں شفقت علی، ناصر حمید خان، انجینئر سہیل لاشاری، طاہر جاوید ملک ، عرفان اقبال شیخ اور راجہ وسیم حسن سمیت کاروباری برادری کی نمایاں شخصیات نے مدثر مسعود چوہدری کو مبارکباد دیتے ہوئے کہا کہ ان کی قیادت بزنس کمیونٹی کے لیے نیک شگون ثابت ہوگی۔

میاں سہیل نثار، میاں شفقت علی اور راجہ وسیم حسن نے کہا کہ مدثر مسعود چوہدری کی قیادت میں تاجروں کے مسائل زیادہ موثر انداز میں اجاگر اور حل ہوں گے۔مدثر مسعود چوہدری نے عہدہ سنبھالنے کے بعد کہا کہ پیاف کے پلیٹ فارم سے بزنس کمیونٹی کے مسائل حل کرنے کے لیے اپنی تمام تر توانائیاں صرف کروں گا اور تاجروں کے اعتماد پر پورا اترنے کی کوشش کروں گا۔