سونیر ی بینک اور ایم جی موٹر زکے درمیان کار فنانسنگ کامعاہدہ

معاہدے کے تحت فوری پراسیسنگ کے ساتھ آٹو فنانسنگ کی کم ترین شرح پر صارفین کو ایم جی کی گاڑیاں فراہم کی جائیں گی

جمعہ 22 اگست 2025 18:33

کراچی(اُردو پوائنٹ اخبارتازہ ترین - این این آئی۔ 22 اگست2025ء)سونیری بینک نے ایم جی موٹر ز پاکستان کے ساتھ ایک معاہدے پر دستخط کیے ہیں۔ اس معاہدے کے تحت صارفین کو روائتی اور اسلامک فنانس سہولت کے تحت انڈسٹری میں سب سے زیادہ مسابقتی آٹو فنانسنگ پیکج فراہم کیا جائے گا۔ اس آفر کے تحت سونیری بینک صارفین کو ایک سالہ شرح کائبورپلس 2فیصد کے ریٹ پر آٹو فنانسنگ کی سہولت فراہم کرے گا۔

اس آفرمیں ٹریکر کے ساتھ 1.5فیصد انشورنس ریٹ، پراسیسنگ فیس میں 100فیصد چھوٹ اور سالانہ سیٹلمنٹ اوریکمشت ادائیگی پر بھی 100فیصد چھوٹ فراہم کی جارہی ہے۔یہ آفر ایم جی ایچ ایس اور ایم جی ایچ ایس پلگ ان ہائبرڈ الیکٹریکل وہیکل (PHEV)سمیت منتخب ایم جی ماڈلز پر دستیاب ہے۔ ایم جی موٹرز پاکستان کے جنرل منیجر مارکیٹنگ ڈویژن سید آصف احمد نے کہاکہ سونیری بینک کے ساتھ یہ شراکت داری پاکستان میں زیادہ سے زیادہ لوگوں کیلئے پریمیم موبیلٹی کو قابلِ رسائی بنانے کے ہمارے وژن کو مزید تقویت فراہم کرتی ہے۔

(جاری ہے)

صارفین اب ایم جی کی جدید ٹیکنالوجی اور ماحول دوست گاڑیوں سے مستفید ہونے کے ساتھ ساتھ شریعہ کے مطابق انڈسٹری کی سب سے کم فنانسنگ شرح کی سہولت حاصل کرسکتے ہیں۔ یہ آفر جدّت آسان سہولت اور صارفین دوستی کا بہترین امتزاج ہے۔