کراچی؛ قومی شاہراہ پر تیز رفتار واٹر ٹینکر کھڑی گاڑیوں پر چڑھ دوڑا، تین مکمل تباہ

حادثے کے وقت لوگوں کی عدم موجودگی کے باعث کوئی بڑا نقصان نہیں ہوا، پولیس حکام

جمعہ 22 اگست 2025 23:22

کراچی(اُردو پوائنٹ اخبارتازہ ترین - این این آئی۔ 22 اگست2025ء)اسٹیل مل موڑ کے قریب قومی شاہراہ پر تیز رفتار واٹر ٹینکر ڈرائیور سے بے قابو پانے کے بعد سڑک کنارے کھڑی گاڑیوں پر چڑھ گیا، حادثے میں واٹر ٹینکر کا ڈرائیور شدید زخمی ہوگیا جبکہ تین گاڑیاں مکمل تباہ ہوگئیں۔تفصیلات کے مطابق جمعہ کی صبح اسٹیل ٹاون تھانے کے علاقے اسٹیل مل موڑ کے قریب قومی شاہراہ پر تیز رفتار واٹر ٹینکر ڈرائیور سے بے قابو پانے کے بعد سڑک کنارے کھڑی گاڑیوں پر چڑھ گیا۔

(جاری ہے)

حادثے میں واٹر ٹینکر کا ڈرائیور شدید زخمی ہوگیا جبکہ حادثے کے نتیجے میں سڑک کنارے کھڑی 3 گاڑیاں مکمل تباہ ہوگئیں اور کئی دکانوں کو بھی نقصان پہنچا۔ایس ایچ او اسٹیل ٹاون اسلم بلو نے بتایا کہ حادثے میں زخمی ہونے والے واٹر ٹینکر کی فوری شناخت ممکن نہیں ہو سکی، حادثے کے وقت لوگوں کے موجود نہ ہونے سے کوئی بڑا نقصان نہیں ہوا۔ایس ایچ او کہنا تھا شبہ ہے کہ حادثہ واٹر ٹینکر کے بریک فیل یا کوئی اور ٹیکنیکل وجہ سے پیش آیا ہے، پولیس حادثے سے متعلق مزید تفتیش کر رہی ہے۔