۳وزیراعظم سے ڈاکٹر نثار چیمہ اور ذوالفقار چیمہ کی ملاقات،گوجرانوالہ کی سیاسی صورتحال پر تفصیلی تبادلہ خیال

×این اے 66 ضمنی انتخاب: چیمہ برادران کا پارٹی فیصلے کی حمایت کا اعلان،پارٹی کے نامزد امیدوار کا ساتھ دینے کی یقین دہانی

جمعہ 22 اگست 2025 20:20

؁ اسلام باد(اُردو پوائنٹ اخبارتازہ ترین - آن لائن۔ 22 اگست2025ء)وزیراعظم محمد شہباز شریف سے ڈاکٹر نثار چیمہ اور ذوالفقار چیمہ نے ملاقات ، گوجرانوالہ کی سیاسی صورتحال اور قومی اسمبلی کے حلقہ این اے 66 کے ضمنی انتخاب کے حوالے سے تبادلہ خیال کیا گیا۔

(جاری ہے)

چیمہ برادران نے اس موقع پر پارٹی قیادت پر مکمل اعتماد کا اظہار کرتے ہوئے کہا کہ وہ پارٹی کے فیصلے کی حمایت کریں گے اور نامزد امیدوار کا بھرپور ساتھ دیں گے۔

ملاقات کے اختتام پر ملکی ترقی و خوشحالی اور پارٹی کی کامیابی کے لیے دعائے خیر بھی کی گئی۔ملاقات کے دوران وزیراعظم کے مشیر برائے بین الصوبائی رابطہ رانا ثنائ اللہ خان، وفاقی وزیر اطلاعات و نشریات عطائ اللہ تارڑ، چوہدری عابد رضا، انجینئر خرم دستگیر اور مدثر قیوم ناہرا بھی موجود تھے۔