راولپنڈی پولیس کی موثر پولیسنگ،معزز عدالت نے لیڈی منشیات سپلائر کو 9 سال قید کی سزا سنا دی

جمعہ 22 اگست 2025 20:55

راولپنڈی(اُردو پوائنٹ اخبارتازہ ترین - این این آئی۔ 22 اگست2025ء)راولپنڈی پولیس کی موثر پولیسنگ کے باعث معزز عدالت نے لیڈی منشیات سپلائر کو 9 سال قید کی سزا سنا دی، مجرمہ آرزو یوسف کو 2 لاکھ روپے جرمانے کی بھی سزا سنائی گئی۔

(جاری ہے)

تفصیلات کے مطابق معزز عدالت نے لیڈی منشیات سپلائر کو 9 سال قید کی سزا سنا دی، مجرمہ آرزو یوسف کو 2 لاکھ روپے جرمانے کی بھی سزا سنائی گئی، مجرمہ سے 2 کلو 200 گرام چرس برآمد ہونے پر آر اے بازار پولیس نے اپریل 2025 میں گرفتار کیا تھا، ٹھوس شواہد اور موثر پیروی کے پیش نظر معزز عدالت نے مجرمہ کو قرار واقعی سزا سنائی، سی پی او سید خالد ہمدانی نے ایس ایس پی انوسٹیگیشن اور تفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔