فیصل آباد پولیس نے 5 اشتہاریوں سمیت 53 جرائم پیشہ افراد کو گرفتار کرلیا

جمعہ 22 اگست 2025 21:00

فیصل آباد (اُردو پوائنٹ اخبارتازہ ترین - اے پی پی۔ 22 اگست2025ء) فیصل آباد پولیس نے 5 اشتہاریوں سمیت 53 جرائم پیشہ افراد کو گرفتار کرلیا۔ ترجمان پولیس طارق جٹ نے بتایا کہ سی پی او فیصل آباد صاحبزادہ بلال عمر کی زیر نگرانی جرائم پیشہ عناصر کیخلاف کریک ڈاؤن جاری ہے۔فیصل آباد پولیس نے چوبیس گھنٹوں کے دوران مختلف کارروائیوں میں 5 اشتہاریوں سمیت 53 جرائم پیشہ افراد کو گرفتار کرلیا۔

20 منشیات فروش اور 11 ناجائز اسلحہ رکھنے والے ملزمان گرفتار کئے گئے۔

(جاری ہے)

منشیات فروشوں سے 13 کلو 9 سو ستر گرام چرس، 2 کلو 625 گرام ہیروئن، 35 لیٹر لہن اور 320 لیٹر شراب برآمد کی گئی ہے۔ناجائز اسلحہ رکھنے والے ملزمان سے 9 پسٹل، ایک کلاشنکوف اور ایک رپیٹر برآمد کئے گئے ہیں۔سنگین مقدمات کے مجموعی طور چوبیس گھنٹوں میں 53 ملزمان گرفتار کئے گئے۔دیگر مقدمات میں مطلوب افراد کو بھی گرفتار کر کے پابند سلاسل کیا گیا۔16 عدالتی مفروران،سنگین جرائم میں مطلوب 5 اشتہاری گرفتار کئے گئے ہیں۔ گرفتار جرائم پیشہ افراد کی خلاف درج مقدمات کے تحت قانونی کارروائی شروع کردی گئی ہے۔