پنجاب میں پولیس مقابلے میں 5 ملزمان ہلاک، کارروائی جاری

ہفتہ 23 اگست 2025 18:14

لاہور(اُردو پوائنٹ اخبارتازہ ترین - آن لائن۔ 23 اگست2025ء) پنجاب پولیس کے کرائم کنٹرول ڈیپارٹمنٹ (سی سی ڈی) نے چوہنگ، نشتر اور کینٹ میں تین مبینہ پولیس مقابلے کیے جس میں پانچ ملزمان مارے گئے۔پولیس کے مطابق تمام ملزمان کو ریکوری کے لیے لے جایا جا رہا تھا، جب ان کے ساتھیوں نے انہیں چھڑانے کی کوشش میں فائرنگ کی۔ اس دوران ملزمان اپنی ہی فائرنگ سے ہلاک ہو گئے۔

پولیس نے ہلاک شدگان کی شناخت عمران، سلیمان، نوید، رمیش اور مبشر کے ناموں سے کی۔ لاشیں پوسٹ مارٹم کے لیے بھجوا دی گئی ہیں۔

(جاری ہے)

ذرائع کے مطابق عمران عرف ''بوڑا'' سو سے زائد وارداتوں میں مطلوب اور ریکارڈ یافتہ مجرم تھا، جو روڈ رابری، شاپ رابری اور دوران ڈکیتی قتل جیسے سنگین جرائم میں ملوث رہا۔سی سی ڈی پولیس نے خالق آباد میں خفیہ اطلاع پر چھاپہ مارا تو ملزمان نے پولیس پارٹی پر فائرنگ کی، جس کے جواب میں عمران عرف بوڑا مارا گیا جبکہ اس کے ساتھی فرار ہونے میں کامیاب ہوئے۔

پولیس نے بتایا کہ ملزم کی درجنوں وارداتوں کی سی سی ٹی وی فوٹیجز بھی موجود ہیں اور وہ اکثر وارداتوں کے دوران بھیس بدل کر کارروائیاں کرتا تھا۔فرار ملزمان کی تلاش جاری ہے اور علاقے میں پولیس نے وسیع سرچ آپریشن شروع کر دیا ہے۔

Facebook Twitter Google + Share on Whatsapp

پنجاب میں پولیس مقابلے میں 5 ملزمان ہلاک، کارروائی جاری

متعلقہ عنوان :

مزید قومی خبریں