ورلڈ چیمپئن آسٹریلوی ٹیم شدید مشکلات کا شکار، مسلسل شکستوں کا سامنا

ہفتہ 23 اگست 2025 21:05

سڈنی (اُردو پوائنٹ اخبارتازہ ترین - آن لائن۔ 23 اگست2025ء)آسٹریلیا کو جنوبی افریقہ کے ہاتھوں مسلسل پانچویں ون ڈے سیریز میں شکست کا سامنا کرنا پڑا ہے۔میکے میں کھیلے گئے دوسرے ون ڈے میچ میں جنوبی افریقہ نے آسٹریلیا کو 84 رنز سے شکست دے کر تین ایک روزہ میچز کی سیریز میں 0-2 کی ناقابل شکست برتری حاصل کرلی ہے۔جنوبی افریقہ اور آسٹریلیا کے درمیان 2016 سے اب تک پانچ ون ڈے سیریز کھیلی گئی ہیں۔

تمام سیریز جنوبی افریقہ کے نام رہیں۔

(جاری ہے)

اس کے علاوہ 2009 کے بعد یہ پہلا موقع ہے کہ آسٹریلوی ٹیم کو ہوم گراؤنڈ پہ مسلسل چار ون ڈے میچز میں ناکامی کا سامنا کرنا پڑا ہو۔جنوبی افریقہ سے سیریز کے ابتدائی دو میچز میں شکست سے قبل آسٹریلوی ٹیم کو پاکستان کے خلاف سیریز کے آخری دونوں میچز میں بھی شکست ہوئی تھی۔آسٹریلوی ٹیم ہوم گراؤنڈ پہ کھیلے گئے ون ڈے میچز میں کبھی بھی مسلسل دو مرتبہ سے زائد 200 سے کم رنز پر آؤٹ نہیں ہوئی تھی۔تاہم گزشتہ چار میچز میں آسٹریلوی ٹیم 200 رنز بنانے میں ناکام رہی ہے۔آسٹریلوی ٹیم کو گزشتہ آٹھ ون ڈے میچز میں سے سات میں ناکامی کا سامنا کرنا پڑا ہے۔