احمد خان بھچر اور احمد چٹھہ کی نااہلی کیخلاف درخواستیں مسترد

ریکارڈ کے مطابق درخواست گزار سزا یافتہ اور اشتہاری ہے‘لاہور ہائیکورٹ

ہفتہ 23 اگست 2025 20:25

لاہور (اُردو پوائنٹ اخبارتازہ ترین - این این آئی۔ 23 اگست2025ء) لاہورہائیکورٹ نے سابق اپوزیشن لیڈر پنجاب اسمبلی احمد خان بھچر اور سابق رکن صوبائی اسمبلی احمد چٹھہ کی نااہلی کے خلاف درخواستوں کو مسترد کر دیا۔جسٹس خالد اسحاق نیدس صفحات پر مشتمل فیصلہ جاری کردیا۔

(جاری ہے)

عدالت نے درخواستیں ناقابل سماعت قرار دیتے ہوئے مسترد کر دیں، ریمارکس دیئے کہ ریکارڈ کے مطابق درخواست گزار سزا یافتہ اور اشتہاری ہے۔

جب تک درخواست گزار گرفتاری نہیں دیتا درخواست کی پذیرائی نہیں کی جاسکتی۔ درخواست گزار پہلے سرنڈر کرے۔ درخواست گزار احمد خان بھچر اور احمد چٹھہ نے ای سی پی کی جانب سے نااہلی کے نوٹیفکیشن کو چیلنج کررکھاتھا۔ احمد خان بھچر نے میانوالی کے حلقے کا انتخابی شیڈول روکنے کی بھی استدعا کی تھی۔