Live Updates

سہ فریقی سیریز کے لیے یو اے ای کا اسکواڈ کا اعلان

ٹوئنٹی سہ فریقی سیریز 2025 میں متحدہ عرب امارات کی ٹیم کی قیادت تجربہ کار اوپننگ بلے باز محمد وسیم کریں گے

جمعرات 28 اگست 2025 23:49

دبئی (اُردو پوائنٹ اخبارتازہ ترین - این این آئی۔ 28 اگست2025ء)متحدہ عرب امارات یو اے ای نے سہ فریقی سیریز کے لیے 15 رکنی اسکواڈ کا اعلان کردیا ہے۔رپورٹس کے مطابق ٹی ٹوئنٹی سہ فریقی سیریز 2025 میں متحدہ عرب امارات کی ٹیم کی قیادت تجربہ کار اوپننگ بلے باز محمد وسیم کریں گے۔شارجہ کرکٹ اسٹیڈیم میں سہ فریقی سیریز کا آغاز 29 اگست سے ہوگا۔ یو اے ای 30 اگست کو ٹورنامنٹ کے اپنے افتتاحی میچ میں پاکستان کے خلاف میدان میں اترے گی۔

(جاری ہے)

واضح رہے کہ سیریز میں میزبان متحدہ عرب امارات یو اے ای کے علاوہ پاکستان اور افغانستان کی ٹیمیں شامل ہیں۔سہ فریقی سیریز نو ستمبر سے یو اے ای میں کھیلے جانے والے ایشیا کپ 2025 سے قبل تینوں ٹیموں کو تیاری کا مثالی موقع فراہم کرے گی۔یو اے ای اسکواڈ میں محمد وسیم (کپتان)، علیشان شرافو، آریانش شرما (وکٹ کیپر)، آصف خان، دھرو پراشر، ایتھن ڈی سوزا، حیدر علی، ہرشیت کوشک، جنید صدیق، محمد فاروق، محمد جواد اللہ، محمد زوہیب، راہول چوپڑا (وکٹ کیپر)، روہید خان اور صغیر خان شامل ہیں۔