سویڈن اور ہالینڈ کا اسرائیل سے تجارت روکنے ، وزراء پر پابندیاں لگانے کا مطالبہ

جمعہ 29 اگست 2025 08:30

کوپن ہیگن (اُردو پوائنٹ اخبارتازہ ترین - اے پی پی۔ 29 اگست2025ء) ڈنمارک میں یورپی وزرائے خارجہ اور دفاع کے اجلاس میں ہالینڈ اور سویڈن نے یورپی یونین سے اسرائیل کے ساتھ تجارتی معاہدہ معطل کرنے کا مطالبہ کردیا۔

(جاری ہے)

العربیہ کے نامہ کے مطابق کہ دونوں ملکوں نے کل یونین کو ایک مشترکہ خط بھیجا جس میں مطالبہ کیا گیا کہ ان انتہا پسند اسرائیلی وزراء کے خلاف پابندیاں لگائی جائیں جو مغربی کنارے میں غیر قانونی بستیوں کی حمایت کرتے ہیں۔

انہوں نے اسرائیل کو "ای ون" بستی کے منصوبہ کو عملی جامہ پہنانے کے نتائج سے خبردار کیا جو بین الاقوامی قانون کی واضح خلاف ورزی ہے اور دو ریاستی حل کے امکان کو ختم کر دیتا ہے۔ اسی طرح انہوں نے زور دیا کہ غزہ میں صورتحال انتہائی ناگوار اور ناقابل برداشت ہے جسے الفاظ میں بیان کرنا مشکل ہے۔