خراب انجن کے باعث ٹائٹن آبدوز کو حادثہ پیش آیا, تحقیقات میں انکشاف

کمپنی اوشین گیٹ نے سفر سے پہلے آبدوز کی مناسب جانچ نہیں کی تھی،نیشنل ٹرانسپورٹیشن سیفٹی بورڈ

جمعرات 16 اکتوبر 2025 14:30

خراب انجن کے باعث ٹائٹن آبدوز کو حادثہ پیش آیا, تحقیقات میں انکشاف

واشنگٹن (اُردو پوائنٹ اخبارتازہ ترین - این این آئی۔ 16 اکتوبر2025ء) امریکی ادارے نے تحقیقات میں انکشاف کیا کہ خراب انجن کے باعث سے ٹائٹن آبدوز کو حادثہ پیش آیا۔غیرملکی میڈیا کے مطابق امریکی ادارے نیشنل ٹرانسپورٹیشن سیفٹی بورڈنے سیاحتی آبدوز ٹائٹن کے حوالے سے انکشاف کیا کہ ایک نجی کمپنی کی ملکیت تھی، کمپنی اوشین گیٹ نے سفر سے پہلے آبدوز کی مناسب جانچ نہیں کی تھی۔

یہ آبدوز جون 2023 میں بحرل اوقیانوس میں غرق شدہ تاریخی جہاز آر ایم ایس ٹائٹینک کے ملبے کو دیکھانے کے سیاحتی مشن پر گئی تھی۔

(جاری ہے)

اس چھوٹی آبدوز میں اسکی کمپنی کے سی ای او اسٹوکٹن رش، معروف پاکستانی سرمایہ کار شہزادہ داد، انکے بیٹے سلیمان داد سمیت 5 افراد سوار تھے۔کمپنی حادثے کا شکار ہونے والی آبدوز کی حقیقی پائیداری کے حوالے سے لاعلم تھی اور اس حادثے کے بعد کمپنی نے فوری طور پر اپنا آپریشن بند کر دیا تھا۔سیفٹی بورڈ کی رپورٹ میں مزید انکشاف کیا گیا کہ کمپنی اوشین گیٹ نے حفاظتی معیارات کا خیال نہیں رکھا، ٹائٹن کو بہت جلد تلاش کیا جاسکتا تھا اگر حفاظتی معیارات کا خیال کیا گیا ہوتا، ان معاملات کی عدم تکمیل کی وجہ سے بچا کی کوشش ناممکن ہوگئی تھی۔