Live Updates

فلڈ ریلیف چیریٹی میچ، وسیم اکرم اور بابر اعظم کی شائقین سے عمران خان سٹیڈیم آنے کی اپیل

چیریٹی میچ 30 اگست کو دوپہر ڈیڑھ بجے کھیلا جائے گا

Zeeshan Mehtab ذیشان مہتاب جمعہ 29 اگست 2025 11:17

فلڈ ریلیف چیریٹی میچ، وسیم اکرم اور بابر اعظم کی شائقین سے عمران خان ..
لاہور (اردو پوائنٹ تازہ ترین اخبار ۔ 29 اگست 2025ء ) سابق کپتان وسیم اکرم اور بابر اعظم نے پشاور زلمی اور خیبر پختونخوا حکومت کے فلڈ ریلیف چیریٹی میچ میں شائقین سے اسٹیڈیم آنے کی درخواست کی ہے۔
پشاور کے عمران خان اسٹیڈیم میں شیڈول چیریٹی میچ کے حوالے سے وسیم اکرم نے ویڈیو پیغام میں کہا کہ پشاور کے شہریوں کو طویل مدت کے بعد قومی ہیروز کو کھیلتے دیکھنے کا موقع ملے گا۔

(جاری ہے)

انہوں نے کہا کہ شہریوں کو ٹکٹ خرید کر میچ دیکھنا چاہیے کیونکہ میچ کی آمدنی سے سیلاب زدہ متاثرین کی امداد ہوگی۔ 
 
بابر اعظم نے ویڈیو پیغام میں کہا کہ چیریٹی میچ میں آپ کے ہیروز آرہے ہیں، آپ بھی میچ دیکھنے کے لیے آئیں۔ اسٹیڈیم میں مجھے آپ کا انتظار رہے گا۔ 
 
واضح رہے کہ چیریٹی میچ 30 اگست کو دوپہر ڈیڑھ بجے کھیلا جائے گا۔                                                                                                                                                                               
Live سیلاب کی تباہ کاریاں سے متعلق تازہ ترین معلومات