ایران/عراق ، شام کے مقدس مقامات کی زیارات کروانے کے مجاز زائرین گروپ آرگنائزرز کی رجسٹریشن،

جمعہ 29 اگست 2025 16:20

اسلام آباد(اُردو پوائنٹ اخبارتازہ ترین - این این آئی۔ 29 اگست2025ء)ایران/عراق ، شام کے مقدس مقامات کی زیارات کروانے کے مجاز زائرین گروپ آرگنائزرز کی رجسٹریشن کیلئے وفاقی وزیر مذہبی امور سردار محمد یوسف نے مجاز ’’زیارت گروپ آرگنائزرز ‘‘ کو سرٹیفکیٹ جاری کر دیے۔ جاری اعلامیہ کے مطابق سر دار محمد یوسف نے کہاکہ تمام رجسٹرڈ ZGOS کو مبارکباد پیش کرتا ہوں،زیارت کی مجاز کمپنیاں زائرین کے سفر ، رہائش، خوراک اور دیگرسہولیات کی فراہمی کو یقینی بنائیں ۔

سردار محمد یوسف نے کہاکہ موجودہ حکومت نے زیارت پالیسی کو نافذ کرنے کا عمل شروع کیا ہے،حکومت نے فیصلہ کیا ہے کہ موجودہ سالار سسٹم جلد مکمل طور پر ختم کر دیاجائے گا،ایران، عراق ، شام کے زائرین صرف رجسٹر ڈ ZGOs کے ذریعے سفر کر سکیں گے،نئے نظام کے ذریعے زائرین کو بہتر سہولیات، شفاف طریقہ کار ، اور محفوظ سفر مہیا کیا جائے گا۔

(جاری ہے)

سر دار محمد یوسف نے کہاکہ وزارت مذہبی امور کو اب تک رجسٹریشن کے لیے 1,413 درخواستیں موصول ہوئیں ہیں،اب تک 585 کمپنیوں کو سیکورٹی کلیئرنس ملی ہے ،پہلے مرحلے میں 24 کمپنیاں مطلوبہ دستاویزات مکمل کرنے پر رجسٹریشن کے لیے اہل قرار پائی ہیں۔ سردار محمدیوسف نے کہاکہ باقی کمپنیوں کو مطلوبہ دستاویزات مکمل کرنے پر رجسٹریشن سرٹیفکیٹ جاری کیا جائے گا۔