ایٹمی ہتھیاروں کا خاتمہ، چین کا امریکا اور روس کیساتھ مذاکرات میں شامل ہونے سے انکار

جمعہ 29 اگست 2025 16:55

بیجنگ(اُردو پوائنٹ اخبارتازہ ترین - این این آئی۔ 29 اگست2025ء)چین نے سہ فریقی ایٹمی مذاکرات کو غیر حقیقت پسندانہ قرار دیتے ہوئے امریکا اور روس کے ساتھ بیٹھنے سے صاف انکار کر دیا۔خبر رساں ادارے کے مطابق امریکی صدر ڈونلڈ ٹرمپ نے کہا تھا کہ وہ چاہتے ہیں چین بھی ایٹمی ہتھیاروں کے خاتمے سے متعلق بات چیت میں شامل ہو، تاہم بیجنگ نے اس تجویز کو مسترد کر دیا۔

(جاری ہے)

چینی وزارت خارجہ کے ترجمان نے کہا کہ امریکا اور روس دنیا کے سب سے بڑے ایٹمی ہتھیاروں کے مالک ہیں اور انہی پر یہ ذمہ داری عائد ہوتی ہے کہ وہ کمی کریں۔ چین اپنی ایٹمی طاقت صرف قومی سلامتی کے لیے کم سے کم سطح پر رکھتا ہے اور کسی دوڑ کا حصہ نہیں ہے۔دوسری جانب شمالی کوریا نے جنوبی کوریا کے صدر لی جے میونگ کے امریکا میں دیے گئے بیان پر سخت ردعمل ظاہر کیا ہے اور انہیں منافق قرار دیا۔ شمالی کوریا کا کہنا ہے کہ وہ کبھی اپنے ایٹمی ہتھیار نہیں چھوڑے گا اور یہ اس کی ریاستی عزت اور وقارہیں۔