Live Updates

وزیراعلیٰ پنجاب کی ہدایت پر کرتار پورگوردوارہ میں نکاسی آب چند گھنٹوں میں مکمل،جنم استھان کے تمام حصے مکمل طورپر صاف

ڈپٹی کمشنر ننکانہ صاحب کرتار پورگوردوارہ خود پہنچے اورصفائی کے عمل کی نگرانی کی، گوردوارہ کے وسیع صحن سے پانی نکال دیاگیا ستھرا پنجاب کے ورکرز ،دیگراداروں کے اہلکاروں نے دن رات محنت کر کے گوردوارہ کی درودیوار کو چمکادیا،درشن ڈیوری اوردیگر حصے مکمل طورپر صاف ار پورگوردوارہ کو تین چار دن میں سکھ یاتریوں کیلئے کھول دیا جائیگا،ریسکیو ٹیموں نے موٹر بوٹ پر بیٹھ کر سکھ یاتریوں کو نکالا اورمحفوظ مقام پر منتقل کرتار پورگوردوارہ کے منتظمین اوردیگر لوگ سکھوں کی مقدس عبادت گاہ کو پانی سے بالکل صاف دیکھ کر حیران

جمعہ 29 اگست 2025 22:15

لاہور(اُردو پوائنٹ اخبارتازہ ترین - این این آئی۔ 29 اگست2025ء)وزیراعلیٰ پنجاب مریم نواز شریف کی ہدایت پر کرتار پورگوردوارہ میں نکاسی آب چند گھنٹوں میں مکمل کرلیاگیا۔کرتار پور جنم استھان کے تمام حصوں کو مکمل طورپر صاف کردیاگیا۔وزیراعلیٰ مریم نوازشریف کی ہدایت پرستھرا پنجاب کے ورکرز اوردیگراداروں کے اہلکاروں نے دن رات محنت کر کے گوردوارہ کی درودیوار کو چمکادیا۔

درشن ڈیوری اوردیگر حصوں کو مکمل طورپر صاف کردیاگیا۔

(جاری ہے)

وزیراعلیٰ پنجاب مریم نوازشریف کی ہدایت پر ڈپٹی کمشنر ننکانہ صاحب کرتار پورگوردوارہ خود پہنچے اورصفائی کے عمل کی نگرانی کی ۔ وزیراعلیٰ مریم نوازشریف کی ہدایت پر ڈی سی ننکانہ صاحب نے کرتارپور گوردوارہ کے وسیع صحن کو پانی نکال کر اچھی طرح صاف کروایا۔وزیراعلی پنجاب مریم نوازشریف کی ہدایت پر کرتار پورگوردوارہ کو تین چار دن میں سکھ یاتریوں کیلئے کھول دیا جائے گا۔

یہ امر قابل ذکرہے کہ سیلابی ریلا آنے کے بعد کرتار پور گوردوارہ میں 10سی12فٹ تک پانی آگیا تھا ۔ریسکیو ٹیموں نے موٹر بوٹ پر بیٹھ کر سکھ یاتریوں کو نکالا اورمحفوظ مقام پر منتقل کیا ۔کرتار پورگوردوارہ کے منتظمین اوردیگر لوگ سکھوں کی مقدس عبادت گاہ کو پانی سے بالکل صاف دیکھ کر حیران رہ گئے۔
Live سیلاب کی تباہ کاریاں سے متعلق تازہ ترین معلومات