حکومت کالج کا ایک کمرہ ایک ایک کروڑ روپے کا بنا رہی ہے، وفاقی وزیر خواجہ آصف کا انکشاف

جو لوگ مستقل بیٹھے ہوئے ہیں اصل لوٹ مار تو یہ کر رہے ہیں جو دہائیوں سے بیٹھے ہوئے ہیں، جن کی 30,35 سال سروس ہے ان کا اندازہ لگائیں ان کا تو میٹر کبھی بند ہی نہیں ہوا؛ ن لیگی رہنماء کی گفتگو

ساجد علی اتوار 31 اگست 2025 11:58

حکومت کالج کا ایک کمرہ ایک ایک کروڑ روپے کا بنا رہی ہے، وفاقی وزیر خواجہ ..

سیالکوٹ ( اُردو پوائنٹ اخبارتازہ ترین۔ 31 اگست 2025ء ) مسلم لیگ ن کے رہنماء وفاقی وزیر دفاع خواجہ آصف نے انکشاف کیا ہے کہ حکومت سکول کا ایک کمرہ ایک کروڑ روپے کا بنا رہی ہے۔ ایک نیوز کے پروگرام میں گفتگو کرتے ہوئے انہوں نے کہا کہ گورنمنٹ ہمارے علاقے میں جناح اسلامیہ کالج کا ایک ایک کمرہ ایک ایک کروڑ اور 70,80 لاکھ روپے کا بنا رہی ہے جب کہ پرائیویٹ سیکٹر 20لا کھ میں بنا کر دے رہا ہے اور کنسٹرکشن کا معیار بھی بہتر ہوتا ہے۔

خواجہ آصف کہتے ہیں کہ ہم کس کس کا رونا روئیں، اوپر تو تھوڑے بہت جاتے ہیں زیادہ مال یہ بیوروکریسی کھا رہی ہے، ہم سیاستدان تو آنے جانے والے ہیں، 4 سال تک کھاتے پیتے ہیں پھر ہمیں یہ فارغ کردیتے ہیں اور نئے آ جاتے ہیں وہ نئی شروع کردیتے ہیں لیکن جو لوگ مستقل بیٹھے ہوئے ہیں اصل لوٹ مار تو یہ کر رہے ہیں جو دہائیوں سے بیٹھے ہوئے ہیں، جن کی 30,35 سال سروس ہے ان کا اندازہ لگائیں ان کا تو میٹر کبھی بند ہی نہیں ہوا سیاستدانوں کا تو میٹر بند ہوجاتا ہے۔

(جاری ہے)

گورنمنٹ ہمارے اسلامیہ سکول کا ایک ایک کمرہ ایک ایک کروڑ کا بنا رہی ہے جبکہ پرائیویٹ سیکٹر 20لاکھ میں بنا کر دے رہا ہے ہم کیا کیا رونا روئیں
ہم سیاستدان 4 سال تک کھاتے پیتے ہیں پھر نئے آ جاتے ہیں اصل لوٹ مار تو یہ کر رہے ہیں جو پکے بیٹھے ہوۓ ہیں
خواجہ آصف pic.twitter.com/Fbq1jdECi9
— Waqar khan (@Waqarkhan123) August 30, 2025

علاوہ ازیں وزیر دفاع خواجہ آصف نے سوشل میڈیا پلیٹ فارم ایکس پر ایک ویڈیو شیئر کی اور لکھا کہ یہ ایک پراجیکٹ ہے جس کا نام PICIIP ہے، سینکڑوں ڈالر کے ورلڈ بینک کے قرضے پر دو شہروں سیالکوٹ اور ساہیوال میں کئی سال سے کام ہو رہا ہے، کام کی کوالٹی کا آپ اس وڈیو سے اندازہ لگا لیں، یہ سیالکوٹ میں خادم علی روڈ ہے اور اس کے نیچے PICCIP کے ٹھیکدار نے پائپ ڈالے ہیں، اس سے باقی کام کی کوالٹی کا اندازہ لگا سکتے ہیں، شہر کے باہر ڈسپوزل بنی ہے لیکن سسٹم ابھی چالو نہیں، ٹھیکدار طاقتور ہے آپ اندازہ لگا لیں وہ ہماری پارلیمنٹ کے رکن بھی ہیں، دولت کی کوئی انتہا ہی نہیں شاید ہی کسی کا احتساب ہوسکے، میرا حلقہ ہے آواز اٹھانا فرض ہے۔

اب ہمارے ملک میں وزیر دفاع سے زیادہ طاقتور اور وہ بھی محض ٹھیکیدار کون ہو سکتا ہے؟ بیچارے غریب اور کمزور لوگ اپنے لاکھوں ووٹ ایک سیاسی جماعت یا اُسکے سیاستدان کو محض آواز اُٹھانے کے لئیے دیتے ہیں؟ آوازیں تو اُنکی بھی نکل ہی جاتی ہیں جو اِن کھڈوں میں دھڑام سے گرتے ہیں، فارم… https://t.co/BIvPQ0m7ok
— Matiullah Jan (@Matiullahjan919) August 30, 2025

وزیردفاع کی اس پوسٹ پر سوالات اٹھاتے ہوئے معروف صحافی مطیع اللہ جان نے کہا کہ اب ہمارے ملک میں وزیر دفاع سے زیادہ طاقتور اور وہ بھی محض ٹھیکیدار کون ہو سکتا ہے؟ بیچارے غریب اور کمزور لوگ اپنے لاکھوں ووٹ ایک سیاسی جماعت یا اُس کے سیاستدان کو محض آواز اُٹھانے کے لیے دیتے ہیں؟ آوازیں تو اُن کی بھی نکل ہی جاتی ہیں جو اِن کھڈوں میں دھڑام سے گرتے ہیں، فارم پینتالیس کا کوئی رکن اسمبلی تو اتنا بے بس نہیں ہو سکتا۔