Live Updates

عوام کے جان و مال کے تحفظ کے لیے تمام وسائل بروئے کار لائے جا رہے ہیں،ڈپٹی کمشنر سرگودھا

ہفتہ 30 اگست 2025 11:33

سرگودہا(اُردو پوائنٹ اخبارتازہ ترین - این این آئی۔ 30 اگست2025ء)سرگودھا کے علاقہ کوٹمومن کے قریب دریائے چناب کے سیلابی ریلے سے متاثرہ علاقوں میں امدادی سرگرمیوں کے ریلیف کیمپوں اور ڈیرہ جات پر مقیم متاثرین کو پانچویں روز ناشتہ کی فراہمی کے لئیڈپٹی کمشنر ، اسسٹنٹ کمشنرز فیلڈ میں موجود رہے اور تمام امور کی نگرانی کرتے ہوئے اسسٹنٹ کمشنرز نے خود متاثرین کے ساتھ صبع کا ناشتہ کیا اور سیلاب سے متاثرہ سڑکوں کی مرمت کا کام ہنگامی بنیادوں پر شروع کر دیا گیا ہے۔

جبکہ سرگودھا کے گردونواح مڈھ رانجھا اور دیگر متاثرہ علاقوں میں وقفہ وقفہ سے بارش کا سلسلہ جاری رہا اور ضلعی انتظامیہ نیتمام اداروں کو ہائی الرٹ رہنے اور ریسکیو آپریشن تیز کرنے کا حکم دیا۔متاثرہ علاقوں میں پاک فوج کے جوان ضلعی انتظامیہ کے شانہ بشانہ بارش کے باوجود امدادی سرگرمیوں میں مصروف رہے تاکہ کسی بھی ہنگامی صورتحال سے فوری نمٹا جا سکے۔

(جاری ہے)

ڈپٹی کمشنر محمد وسیم نے بتایا کہ متاثرہ علاقوں میں موبائل ہیلتھ سروسز،کلینک آن ویلز، موبائل ہیلتھ یونٹس فعال اور لائیو اسٹاک سمیت دیگر اداروں کیمپس میں موجود ہیں۔انہوں نے بتایا کہ سیلابی پانی میں مسلسل کمی ریکارڈ کی جا رہی ہے۔ کوٹمومن میں اب خطرے کی کوئی بات نہیں۔ ان کا کہنا تھا کہ عوام کے جان و مال کے تحفظ کے لیے تمام وسائل بروئے کار لائے جا رہے ہیں۔